Mirpur News

میرپور(نمائندہ عدالت)سیکٹر ایف ٹو ہسپتال جاتے میاں بیوی کو روک کر گالم گلوچ کرنے اور موٹر سائیکل کو ٹکر مارنے کی کوشش ۔متاثرہ خاتون نے داد رسی اور ملزم کے خلاف قانونی کارروائی کے لیے تھانہ سٹی میں تحریری درخواست دیدی۔تفصیلات کے مطابق نسرین اختر نامی خاتون نے پولیس تھانہ سٹی کو درخواست دی کہ گزشتہ روز صبح تقریبا 8:30بجے جب وہ سیکٹر ایف ٹو سے اپنے خاوند کے ہمراہ موٹر سائیکل پر ڈی ایچ کیو ہسپتال جارہی تھیں تو راشد ولد محمد اقبال ساکن کچی آبادی سیکٹر ایف ٹو نے پہلے موٹر سائیکل کو ٹکر مارنے کی کوشش کی پھر گالم گلوچ کرتے ہوئے دھمکیاں دینا شروع کردیں ۔نسرین اختر کا کہنا تھا کہ میرے خاوند دل کے مریض ہیں اگر انہیں یا مجھے کچھ ہوا تو اسکی تمام تر زمہ داری ارشد ولد محمد اقبال پر ہوگی۔پولیس تھانہ سٹی نے درخواست وصول کرتے ہوئے انصاف کی یقین دہانی کروائی۔